غابت الأفــكار عني وارجعت لي بالجديد
بعد مدة من هجرها عادت حروف القصيدة
عادت تسابق خطاها تنتــظم فاحلى قصيد
أبهجتها واطربتها في الحسن غادة فريـدة
غادةٍ ابحــسنها كل مخـــلوقٍ يــشيد
يأسر الناضر حسنها وتنقلب حاله سعيـدة
بنت يا محلى وجهها .. نور ياضـي من بعيد
انهبت مـ الراس عقلي وأسأل الله لي يعيده
انهبت بعضي وكلي وكبـلتني بدون قـــيد
واغرست فيني محبة كل مشاعرها أكيــدة
وقمت أهوذي وعاتبوني .. نحيد بك قلب عنيد
من اسمها اللي خذته ؟ يمكن نروح ونعيــده
قلت أوله ( عينٍ ) جميله دوم ينصـاها القصـيد
والحسن في العين ميزة حتى لو كانت شديدة
وبعدها ( ميمٍ ) تـبدَّت كنها درٍ نــــضـيد
ويا حلاة الدر فيها يبرز الحسن ويــزيـده
و( الألف ) واقـف بعدها حارسٍ سيفه شــديد
والسيف عنوان الشجاع ما يفارق دوم أيــده
و( النون ) نــــورٍ كل يوم بها يــــزيد
ومن يهبه النور ربي يخصه بنعمة فــريدة
القصـــد واضح تبين موطني ( عمان ) المجيد
مــوطنٍ بالمجــد يفخر سيرته دايم حــميدة
من شذاه المجـــد كله فاح لأقصى البـــعيد
وعمت عطور المحبة للوطن في يوم عــيده
عيد قابوس المعظَّـم يا عـــساه دايم سعــيد
سلطاننا والكل يفخر قايد النهضة المجــيدة
مفجِّـر الطاقات فينا باعث المـــجد التلـــيد
مرسي أركـان الحضارة والشواهد مستزيدة
في عهد قابوس نجني ثــمرة الوعد الأكيــد
والشعب من غيض فيضه حصَّل أحلى ما يفيده
عمت النهضة وطنا كـل حضــر وكل بيـد
والحضارة في تزايد تقطع اليأس وتـــبيده
من فكر قابوس نمـضي نأخذ العزم الأكــيد
ونتسلح بالثقافة .. والتـــخاذل ما نحـيده
عاهد وأوفى مقاله وعشنا في حاضر سعـيـد
وبفضل تخطيط نـيِّـر تحقق النا اللي نريده
العلم اضحى شعاع ونور كـسَّـر كل قــيد
والتنمية عمت بلادي بتوجيه أفكـاره السديدة
والأَمِـنْ في ربوع داري كل واحــد به يشيد
مستمتعة بالأمن داري توفِّـره قوة عتــيدة
إيه تيهي يا الغبيرا ورددي أحـــلى نــشيد
واعتلي أعلى مكانة والبسي حلة جــديـدة
وانت افخر يا العُماني فكل يوم تعيـــش عيد
وما كل مخلوقٍ فـأرضه يعرف الفخر ويجيده
خصّك الله من نعيمه وأعطاك قابوس المــزيد
ومـن لهج بالشكر قلــبه الوكاد ربي يزيده
لك نزِّف أحلى التهاني فليلة العيـــــــــد المــــجيد
منزلك في القلب غالي راسخـة قصورٍ مشيدة
سيدي السلطان جينا نجاوز حدود البـعيـــد
نقدم الطاعة لألله والولاء لأجلك نزيــــده
لا تأمر بــس أشــر تلقى منا ما تــريـد
أرواحنا تفدى مقامك وكل منا يفدى سيــــده
نـفدى قابوس المعظم نجل أحمد بن سعـــيد
القـايد الشهم المفدى يا عسى حــاله سعيدة
يا عسى ربي يحفظه .. يمده بـــعمرٍ مـديد
ويحفـظ عُمان الأصالة والحـياة فيها رغيدة
* أحـمد الشكيلي
17 نوفـــــمــبر 2005 م