النهاية

يا الحبيبة ليه انتي
ظالمة وما رحمتي
قلبي المشجون نادى
وانتي كنك ما سمعتي
تشتت أوصال عمري
وضاعت الأحلام بدري
وانكوى بالحب صدري
وانتي بعدك ما رحمتي
حالتي صارت تضيق
قلبي يبغى له صديق
عله من حزنه يفيق
وللأسف انتي بعدتي
هلت دموع العيون
نازفة حزن وشجون
تبتغي شخصن حنون
وانتي عن قلبي هجرتي
وصارت الدنيا سواد
واعلنت نفسي الحداد
وجف قلمي مـ المداد
وانتي بالهجران زدتي
حالتي صارت علوم
يتناقلوها كل يوم
لين ملتها النجوم
وانتي كنك ما فهمتي
النفس فقدت رجاها
يوم قلبك ما بغاها
كانت تضنك معاها
بس بعدك ما وصلتي
قلبي المسكين مل
مالقى فقلبك محل
يكفي كافي مــالحيل
وانتي بعدك مثل ما انتي
والحين أعلنها صراحة
صرت أنا منك في راحة
وقلبي ضمدها جراحه
وانتي وحدك لي تعبتي
روحي يا معنى الخيانة
ما ابي حب بمهانة
كنت احسبك في البحر دانة
واليوم باوصافك ظهرتي
انتي جسم بلا ضمير
مكتسي ثوبن حرير
عقله تو بعده صغير
وما أريدك لو رجعتي
ياللي بديتي في الهجر
تظنين وحدك في البشر
مليون مثلك تنتظر
وانتي بأفعالك رسبتي
يا الخاينة هذه النهاية
خلصت فصول الحكاية
ليت ما كانت بداية
وليت انتي ما انخلقتي
ويا الخاينة بطعم الغدر
بعد التأسي والصبر
اليوم قلبك يحتضر
وانتي من العيون طحتي
ويالخاينة عندي مبادي
ما أساوم في ودادي
لن بعدك صار عادي
من بعد في الحب خنتي
ويالخاينة سمعي الكلام
غاب عنك الإهتمام
عمري ما جاني الملام
وانتي في دنياك ضعتي
يا الخاينة إسمـي " أحــمـد "
قلتها والكل يشهد
لو أبى مليون وأزود
وأنتي في الأوحال صرتي