وطن الحزن

أنا فيني فرح عابر وجسمي للحزن أوطان
دروب الهم تتقاطع وتتلاقى فشراييني
أنا دمع القصيدة ينسكب في داخلي بركان
أهدي الدرب لمن حولي وتاهت بي عناويني
أنا هموم خلق الله ولكن صورتي إنسان
رميت الفرح في الدنيا وهي بالهم ترميني
حلاوة دنيتي صارت مواجع كلها وأحزان
وتاهت خطوتي بدربي وما قدرت توديني
طلبت الرحمة من ربي أرجو نعمة الغفران
عسى الله يلطف بحالي وترجع فرحة سنيني

أحمد الشكيلي